همسات الشعر الحالمة نائلة سامى

((((دمع العين)))))

دموع عنيا
بتحكى عليا
بتصبر فيا
بتواسى عنيا
بتلومنى ساعات
تعاتبنى ساعات
بتاخدنى لدنيا مش هيا
اسبابها كثير
ساعات الياْس
وساعات الفرح
وساعات بيكون
احساس بالضعف
وساعات دموعى مش ليا
الدموع مش كلمة سهلة
ولاحتى سكتها بسيطة
فى ناس دموعها تسبقها
وناس فى الدنيا مش لقيا
ولا دمعة عين تريحها
الدموع مش ميه جارية
نازلة بتعبر فى ضيقة
الدموع دى بحر واسع
بطفى نار الوجيعة