(( ومتلعبيش بالنار ))
بقلمي / عصام مدين .. شاعر القلم الحزين
*************************************
ومتلعــــبيش بالـــنار ... أنا حُـبي كُـــلُه مــَرار
عشـقي ضنا وتباريح ... وهــوايا كُـلُه حِـصـار
هأخـدك لعندي وأطير ... وأغـــرقــك أشـعــــار
حتحـــني لِـــيَه كـتيـر ... وتكمـــلي المــشـــوار
خـايف عـلـيكى اللــيل ... يخَــدك ما تِلـقى نهَـار
خـايف لا يـوم ملقاش ... ضَيك فأمُــوت وأنهار
أنا حُـبي فيه أشـواك ... غِـيرَة وبعاد وهـلاك
وحنان وقـلـب مَـلاك ... وحَنين كَمـوج هَـدار
لو كنتي زى صحـيح ... بتعيشي وسط الريح
وتطمني المجــاريح ... حتحـــــيرك أفــكــار
وتسهـــرك أســـرار ... لا النوم حـيرضيكي
ولاسجن جوة جـدار ... حتكـــونى م الــثوار
حتلملمى الأخـــــبار ... وتجمـــــعي الأنـوار
وتلــوني الأشعــــار ... بالدمعـة في المشوار
أرجـــوكي متحـبيش ... واحــد حـزين محـتار
كُل اللي عَنده كــــلام ... وشعور كما الإعصار
عايش في حلم جميل ... ويــا القـلم في حصـار
بيغــنى في المـواويل ... وبيُحـضُـن الأســحـار
مكـبوت وحظُــه قليل ... ودمُــوعُه من أنهــار
أرجـــوكي متحـبيش ... واحــد حـزين محـتار
ومتلعــــبيش بالـــنار ... أنا حُـبى كُـــلُه مــَرار
**************************************
بقلمي / عصام مدين .. شاعر القلم الحزين
