اياكِ يوم تتمنعي
يا حبيبتي يلا ادلعي
للشوق في قلبي ولعي
و اوعي لحاسد تسمعي
و عن العزول اترفعي
و ان غبتي لازم ترجعي
و لحضن قلبي تمتعي
و اياكِ يوم تتمنعي
وعن حبي قلبك تمنعي
و حنان لغيري توزعي
و تنوي قلبي تلوعي
اوعي كمان تتسرعي
و للقساوة تزرعي
اياكِ لقلبي توجعي
فتسيل دموعي و تدَّعي
بغرور افاضة مدمعي
و أنا قلبي يحزن و يتصدم
و تحصدي هجر و الم
و دموع كتير و كمان ندم
ده بريء بهجرك انظلم
و اتمنى إنه ما حب يوم
و لا يوم قابلتيه و ابتسم
و لا داق في يوم روعة خدودك
و لا مرة داعب مبسمك
و لا انه يوم حب و عشق
أو بالهنا في قربك حلم
ده اتمنى انه ما يعرفك
و لا للحياة جنبك رسم
و اتمنى ما عاش دنيتك
و لا انه يغرق في الوهم
لو كان ده من الاول حصل
كانت الامور اتغيرت
وعاش مكرّم محترم
من كلمات الشاعر
محــــمد العـــراقي
11 / 12 / 2015 م
