مقسومة من جوايا

مفصولة كدا خطين
اروح فى خط هوايا
ولا امشى على الوشين
مكتوب ياخط القدر
مرسوم على الجبين
ملازم قلب النفس
نازل بدمع العين
كلام الروح اتقسم
ولا عارفه اروح على فين
ناجيت رب السما
اعرف طريقى منين
جانى فى منامى الكرم
هتروحى بس لمين
لاقتنى بقول يااااااارب
انا عبدك وملك ايديك
قال رب العباد انا
فى طريقى اليك
فى كل خط بتمشى
تلاقينى انا بهديك
تناجينى فى خلوتك
اقرب من حبل الوريد
يارب انت الحكم
انا عبدك الضعيف
تقدر تعفى وتغفر
توصلتى بخط واحد
يوصل بس اليك

بقلم
ميرفت محمد ابراهيم