؛؛ ليه يا دنيا ؛؛؛؛؛
------------------------
ليه يا دنيا فيكي البشر مش بشر زي زمان
ليه بقى طبعهم الغدر وما بقاش فيه أمان
ليه أتغير الطبع وبقينا نقول كنا زمان وكان
ليه حتى العرض مبقاش فيه حدود ينصان
ليه يا دنيا الناس صبحت غير الناس
ليه بقينا ننهش فى بعض من غير أساس
ليه أتغيرت مبادئنا وانعدم جوانا الإحساس
ليه بقى كل شيء مباح فيه الكلام وخلاص
ليه نجيب فى سيرة الناس ونشوه في صورهم
ليه إنعدمت النخوه والرجوله والأصاله من طباعهم
ليه بعد المحبه تتوجد العداوه بأبشع صورها
واللي كان حبيب وعمل معاك في يوم جِميل
ليه تنساه فى لحظة غضب تطعنه في ظهره
ليه يا محترم تشوه صورتك قدام الناس
إفتكر إن فيه رب عادل وهتشرب من نفس الكأس
تفتكر اللي بينهش فى عرض غيره هتصدقه الناس
لابد هيجي اليوم اللي يتقال نفس الكلام عليه للناس
حاسب على كلامك وأوعى تخوض في عرض الناس
وأعرف إن كل كلمه هتطلع منك هتكتب في الكراس
وفيه يوم هتقف فيه عريان ومعاك كتابك ملازمك من الأساس
هتاخده في شمالك أو يمنك حسب عملك أمام رب الناس
؛؛ بقلم// حنان محمد عبد العزيز ؛؛