أنا كده\\\\شيماء يوسف

أنا الجرح وانا اللى يواسى الجرح ولدمعته يمسح
كلمتى مره رقيقه ومره سكينه تالمه وبتدبح
أنا حلم جميل ولا عمره فى يوم هيتحقق
أنا الأصيل اللى عمره ما غير فى يوم مبدأ
أنا البحر لو تقرب فى يوم منه راح تغرق
وانا طوق النجاه بعد اليأس الامل يمنح
انا الدنيا بكل أدوارها على المسرح
نمثل دور السعاده والحزن فى قلوبنا بيجرح 
سما لا يمكن تطولها مهما حاولت بالخيال تسرح
غموض على فك شفرته لا يمكن فى يوم تنجح 
أنا طريق تكمله اوترجع منه أى كفه راح ترجح
سؤال صعب اجابته ولايمكن فى يوم يوضح
أنا الصوره اللى ليها متين معنى متين ملمح 
كتاب لا يمكن تفهمه لو جبت أفلا طون يشرح
أنا الحبيبه عند الحبيب وعدو لكلاب من غلها تنبح
عندهم مذمومه والناس الى تحبنى كل يوم تمدح
انا اليأس وانا الطموح مين لسطوته يكبح
وانا مطر يروى أرض الأمل عشان زرعها يطرح
أنا كل شىء و انا العدم فى نفس التو والمطرح
أنا مراحل العمر كلها كبر شباب وطفوله بتمرح
عرفت مين انا ؟أنا كل ده قولى انت مين لو تسمح 
قلم \\\ شيماء يوسف.