ثمن الغربه***
=========
عملت ايه الغربه فينا
حرمتنا من اهلينا
وراحت اجمل ايام شبابنا
ومن بلدنا مشينا واتغربنا
والغربه مره صعبه
ومافيش حد يحمينا
متغرب عنك يا بلدي
لكن غربتي غصب عني
طلعت اشتغل علشان المم
ماكنتش اعرف ان الغربه هم
سنين ورا سنين والعمر بيعدي
محروم من اهلي ومن ولدي
متهان وبقول معلش هتعدي
علشان القرش بتتهان كرامتي
اصل البلد دي مش بلدي
حتى لو ليا الحق بيضيع
اصل دمي هناك رخيص ووضيع
هناك في الغربه في اي بلد
الحق بيكون لابن البلد
حتى ولو غلطان
لكن بيجو على اللى زيي
علشان انا هناك وحيد غلبان
اضرب وشتيمه وكمان اتهان
طيب فين حقوق الانسان
ليه دمي يكون رخيص
واموت كدا في الغربه فطيس
يا لجنة حقوق الانسان فين حقي
دمي سال علي الارض في الغربه
واللي دهسني بعربيته بدون رحمه
وعلي جستي اكثر من 15 مره عده
للدرجه دي دمي رخيص وماليش ديه
اموت غدر وكمان مليش اي حقوق ادميه
حتي اللي دهسني تحت عجلات عربيته
بيقولو هرب وحتي مش عارفين هاويته
يا امي ماتبكيش وعليا ماتزعليش
ابنك فاتك وفات بلده علشان لقمة العيش
ماكنش عارف الغربه مخبيه ايه
وماكنش عارف ولا انتي يا ماي اني ماهرجعلكيش
واني هموت في الغربه وماتشوفنيش
كان نفسي يا امي اشوفك قبل ماموت
كان نفسي تخديني في حضنك وبعدها اموت
كان نفسي اشوف ابني اللي اتولد وانا بره
كان نفسي اشوفه ولو مره
لكن هي كدا الغربه صعبه ومره
دمي في رقبة اللي خلوني اتغرب واطلع بره
هاتولي حقي وحق اللى اتغرب واتهان _ولو مره
-------------------------------
كلماتي / حنان محمد عبد العزيز
