احمد الفنانOctober 31 at 10:11am
هايجي الدور عليك
احمد صبري
بقى هي كلمة قولتها
وكنت بموت
كل شيء بينا إنتها
وجيبت تابوت
قررت تقتلني بإيدك
وانا سايب بين ايدك
قلبي وروحي وحياتي
اتهنى مع فرحة عيدك
اتاري انت جاي لي
تقضي معايا يومين
و عملتك كل اهلي
سكنتك قلب وعين
امنتك و كنت ليك
وافي بيخاف عليك
طلعت قليل الاصل
والعشرة خسارة فيك
وعدا الوقت اقول
كانت ساعة شيطان
قولت مسيرك تقول
انك كنت الغلطان
قولت نسامح بعضينا
نرجع و نعيش ليالينا
عرفت اصلك وقتها
شوفتك كما السكينة
وساْلت نفسي كتير
ايه كان جرى مني
مالقتش إجابة غير
كنت معايا وبتخوني
دلوقتي في حد تاني
واخد حضنك مكاني
وبكره هتشوف غيره
وتسيب التاني يعاني
بكره الايام تهدك
اصل الايام بتدور
هتلاقي حد يذلك
تحس نفس الشعور
بكره تشوف ماضيك
والمجرحوين بإيديك
بيع و اجرح وخون
هايجي الدور عليك
هايجي الدور عليك
احمد صبري
L
