لازم قلبي يموت
***********
لو قلبي السهران علشانك
رافض غيرك يبقى مكانك
وانتي مصرة تبيعي حنانك
يبقى انا لازم قلبي يموت
كنت باظنك احلى حكاية
وانتي عواطفك مش ويايا
عايشة لغيري وانتي معايا
وانا جوايا انين مكبوت
ياللي ماعمري قسيت وجرحتك
ياما بعدتي كتير وسامحتك
روحي وعيشي الحب براحتك
عيشي لوحدك في الملكوت
كنت انا فاكرك ليا لوحدي
قلبى معاكي وقلبك عندي
بعتي الحب وليه بتعاندي
ليه العمر معاكي يفوت
بقلمي/ محمود الشريف
