اكتب وأقول .. 4
كلماتي : اشجان سليمان
-----------------------
وان جف يا قلم حبرك
خد من دموعه ياقلم مدادك
واصرخ ونوّح ياقلم
وأعلن حدادك
وإياك ياقلم تنسي
تكتب كلامك
عن نظرة الحزن والوجع
عبّر عن ألمه وآلامك
وإياك يكون بينك وبينه حدود
اشرح وأقول في نظرة عنيه
قل لي فيها ايه
وأوعاك تخاف او ترتجف
اكتب وأقول واعترف
شاور ع اللي كان السبب
خلاص ما ينفع معاهم العتب
ارسم وصور المهازل
كُن بحرفك اقوي الزلازل
وان جفت دموعه
وبدمه النازف قدامك
اكتب واحكي التاريخ
وصورته كمان قُدّامك
طبطب عليه
اصبح يتيم .. بفعل لئيم
وقسوة قلوب مالهاش حدود
كتير كتير سمعنا وعود
عبّر ياقلم واكتب وقول
عن ألمه وحزنه وآلامك ..!!