عليه العوض فيكوا ياعرب
محمد ضباشه
أنا شايف العرب خِرعين
وشاطرين بس فى الخِلفة
عِِينيهم على الحريم باصين
ومين مُوزة تكون نتـ ..
بقوا قادة بقوا سلاطين
القدس بتقول لكم أسفة
د انتم حبة م الملاعين
وكستونى متين وكسة
فى كل بلد تشوف فريقين
على كرسى الحكم يتخانفوا
وأبو مازن مع سماعين
بأى كلام بيتعايقوا
وان قلنا بلاش رأيين
يغضبوا منا ويتضايقوا
لما ضيعوا فلسطين
وعلى مصير الأقصى يتسابقوا
فين القادة فين الحكام
والأقصى يبات مهزوم
عجبكوا الفرقة والأعلام
وبلادنا فى الخراب بتعوم
وربى ماتستهلوا حتى جرام
ِولا ليكوا قيمة فى وسط القوم
صلاح الدين فى حُرمة تمام
تخلى القدس فى عزة تدوم
فصيلة دمكوا خمرا
يا قمرا الدعاء لله
بقضلك أنت انصرنا
ورجع قدسنا لصباه
وطلع ولد من جيلنا
ما تعرف حتى قولة أه
ترجع أرضنا لينا
وتعرف الأقصى أيه معناه
مادام القادة نسينا
وعاجبهم المنظرة والجاة
==
خرعين – ضعفاء
الخلفة – الانجاب
مُوزة – امرأة جميلة
نتـ .. – ناعمة الملمس
