يا مين ياخد الشهادة
محمد ضباشه
التعليم فى مصرنا عادة
عليه بيخلصوا الجنهين
واللى غطى وزيادة
ما نعرفش لفين رايحين
ويد البطالة شحاتة
أو على القهاوى قاعدين
وبدل ما نبنى البلد
دفنوا علمنا الحلوين
البعض هاجر م البلد
وقالوا هنقعد فين
واللى خلف ولد
ماعارف يجيب له منين
واللى بفقرة انجلد
وشارك فى ثورتين اكنين
الفكر فيهم شرد
ويصرخ يقول يا مين
يا مين ياخد الشهادة
برغيف وطعميتين
مكتوب فيها الافادة
دايخ مع الدايخين
والاسم أحمد عبادة
وبلدى حيطانها طين
أما التخصص ولادة
ينضموا مع الجعانين
ويطلب لى قهوة سادة
على جيوب فاضين
وعلى دولة محتاجة
تعليمنا اللى طال لسنين
وعلى فكر قادة
باعونا للسفلة والواطين
اللى كانت هدومهم عتة
وماشين فى البلد حافين
طلعوا لفوق على الحتة
علشان يحوشوا الملايين
حرام عليكِ يا بلد
اللى بتعمليه فينا
قتلتى علم الولد
وتوهنا فى ماضينا
واللى على اللقمة غرق
على لحن أغانينا
واللى بيصرخ عرق
فى ضمير ينجينا
