يا بلدى إمتى هتفوقى
ولادك محتاجين عطفك
م تصفيلهم بقا وروقى
ف ضهر الشعب ميت قطمه
وشاف الخد ميت لطمه
قوليلى إزاي هيرتاحوا
ف وطن امواجه متلاطمه
ف موجة سعر م العاليه
تكون كل السلع غاليه
فقيرك يعمل إيه ف الجوع
عيالك غرقوا ف إيطاليا
كفايه خلاص يا محروسه
شبعنا اكل م الكوسه
ف عرضك غيرى الطبخه
بطبخة عدل محسوسه
ولادك هما حراسك
آذانك ويا اجراسك
بتروى الكل من نيلك
ياريت يحضنا إحساسك
بقلمى/ محمود عبد العظيم
