أكتوبر
واحد وتسعة
سبعة ثلاثة
هاتف
بلادى
اكتوبر بلادى
ميلاده ميلاد
سينا وطابا وأرض القنال
على وأحمد و عبد العال
كله اتولد يوم الولد
شال العلم
هتف بلادى
وقف ينادى
الله اكبر
من كل عادى
أكتوبر بلادى
أسمر بلون نيلك
حلف يغنيلك
لحن الكرامة
كله رجولة
أصل وشهامة
بأسه حديد
حبه شديد
عاشق ترابك يا بلادى
اكتوبر بلادى
مهد الكنانة
محمد وعيسى
مبكى اليهود
يوم الندامة
لجولدا و موشى
يومها قالوا وقال
معاهم عالم كتير
قالوا انتصرنا
قالوا عبورنا
دا مستحيل
محال تبكى عينهم
محال تدور الرحى
مرة عليهم
وكان العبور
بإيد النسور
فىالجو صاعدة
على الأرض ماشية
فى البحر غوص
فى الجو تصعق
فى البحر تنسف
مشيت تضرب
تهدم وتحرق
قلوب الأعادى
حصونه قلاعه
خطه اللى قالوا يوم منيع
خطة المنيع
ماعدش يساوى
وزنه صفيح
دلل عليه
و لا مشترى
له يشترى
حبة تراب
وهم وسراب
بإيد الشباب
شباب بلادى
سواعد قوية
حرة أبية
و دى هى دية
الحرة بلادى
أكتوبر بلادى
