الجمعه :2/10/2015
الساعه : 9 صباحا

♥ سعيد عبد القادر السيد ♥

♥ ابكى يا عين ♥

ابكى يا عين عالحبايب
اللي حاضر و اللى غايب
حبهم في القلب دايب
فرقتنا سنين عجايب
أبكى يا عين عالحبايب
اللي حاضر و ناسى اهله
مشى كدا عاش لوحده
قال حياتي ديه ليا
هما ما ليهم حاجه عنده
أبكى يا عين عالحبايب
اللي غايب من سنين
تاه في غربه موجوعين
فرقه صعبه يا حزين
وربنا هو المعين
ابكى يا عين عالحبايب
اللي كان منا غريب
بأه منا اه حبيب
ما نقدرش فيه نعبب
سكن جوه الروح و العين
ابكى يا عين عالحبايب

♥♡♥ بقلم

سعيد عبد القادر السيد
شاعر ال ش و ش