فاكرين
الشارع والدكة
فاكرين الحتة
اللي بتودي
على مية سكة
فاكرين
واللعبة اللي
كنا بنلعبها
والضحكة العالية
ومين سابها
فاكرين
العلقة اللي في
ريحنا
علشان نرجع على
مطارحنا
واللمة الحلوة
والهيصة
وطابور خامس على
كونتيسة
فاكرين
والحلم الأخضر
وعروسة
ظابط وعساكرة
الموكوسة
فاكرين
والزرع والمية
اللي واخدنا
على حلم بيلمع
في سمانا
فاكرين
الشجرة وضلتها
وسنين واحنا
على صحبتها
فاكرين
الطوبه على طوبة
فاكرين العركة
المنصوبه
فاكرين
الحيل المجنونة
وبيوت فاضيه
على مسكونة
فاكرين
كنا حقيقي
في حلم
لكن لازم
نصحى
يا عم
ونضحك كل
ما كتر
الهم
على اي كلام
وبلاها نفهم
على اي حدوته عبيطة
ومكبوته
تخرجنا من
دنيا الكم
بقلمي ولسه فاكرة ابتسام عوض حسن