لسعة برد في عز الصيف
لسعة برد في عز الصيف واتغطيت مع ان الجو لهيف
حسيت بالوقت انه سخيف من جوايا مولع زي رغيف
قلت كلام كله تخاريف قلت ان الحرامي لابس نضيف
مش مهم يكون شريف المهم يكون لعيب جواه حريف
وامته يحارب الضعيف بفكره او مقلب يبان فيه عفيف
ويعيش دور كله زيف ويتكلم بالدين ويقول انه حنيف
ويحرم ويحلل وكلامه فيه تحريف عامل انه هنا ضيف
ويسلام علي التثقيف وانت معاك محو اميه ياخفيف
ممكن يعمل طيار او مضيف ولا صاحب بنك للتسليف
في دنيا الكدب والتزيف الحرامي عامل نفسه شريف
لسعة برد في عز الصيف واتغطيت مع ان الجو لهيف
حسيت بالوقت انه سخيف من جوايا مولع زي رغيف
الشاعر مدحت فضل
