بينك وبيني بلاد...
لكن بقلبي شايفك
بسمع صوتك وهمسك..
وبسمع ضحكة شفايفك
بشوف رقصة عنيك
وبشوف رعشة إديك
يا عيني عليك حلو كلك
مفيش فحلاوتك مين أدك
جمال فعنيك وحنان فإديك
ووردة شامة على خدك
سايبني لمين بقلب حزين
تقول يومين وهارجعلك
وقلمي حزين مكتبش كلمة
بيبكي وينزف من بعدك
أنا كنت خايف منك أقرب
أو حتى أفكر إني أجرب
عارف كمان وجع قلبي
لو خاني فيوم وحبك
لكن أعمل إيه وانت مكتوب
على قلبي وجبيني إسمك
أروح لمين أشكي الحنين
وتفوت سنين محتار منك
أجي وأقولك وابوح سري
ولا أخبي وأدوق مري
يا إما خلاص نعيش إحساس
وتفضل جنبي وأنا جنبك
يا إما تسبني باللي انا فيه
بس ما تحرمني أسأل عنك
