.............................. فين الإحساس..؟؟ ............
.....................................................................
صعبان عليا وشوش الناس
و الكلام جوايا متحاش
والقلم مش راضي يطاوعني
يقرا حروفي ويسمعني
ويكتبها في الكـــراس
يا بشر فين الإحساس
ولا راح منكم ومجاش
قيمته أغلي من الماس
وعمرة ما يتباع ببلاش
قوته فوق أي مقياس
وجذوره في الأرض أساس
أسأل الخال وأسال العم
الخال والد والعم حواش
والكلمه ليها الف طعم
وفي العقل الصبر نبراس
والفل أبيض وجواه الدم
يسري في عروقة حماس
مرارة اللقمة لما تنداس
وحلاوة القمة لما تنباس
والظلم قوته في الحراس
يبات وعيونه مفنجله
يخاف من رنين الأجراس
كل هدومه مهلهله
ومرايته شيطان خناس
..................................................................
...................... إحساس/حسن الشوان............
...................... 3/ أغسطس /2015 ...............
