كلوب الوجع
................
ادي الوجع بالرجل
قوم ناوله بالشلوت
وقوله مش هنكسر
لو حتى جاني الموت
كرسي ف كلوب الزمن
وإياك تكون سلعة
وإياك تكون قنطرة
علشان يدوس غيرك
دمر حصون الشر
حدد خطى سيرك
وعشان تكون قادر
كرسي ف كلوب الزمن
وقساوة الأيام
متباع وكان التمن
هجر وخداع والام
ولع فانوس دنيتك
واصحى من الأحلام
فاسك في إيدك سلاح
تصلح عنيك البور
تعرف طريق النجاح
تمشي ف طريق النور
تسكن في حي الضياع
امشي انكشح روح غور
كرسي ف كلوب الزمن
تلقى الحياة معتمة
تلقى الضياع شدنا
فجأة الأيادي اتكتفت
والسكة ضاعت مننا
كرسي ف كلوب الوجع
اللي هرى قلوبنا
مليون شاطر وقع
ولاقولنا يوم تبنا
راضيين بحكم القدر
ونقول دا مكتوبنا
كرسي ف كلوب الزمن
ماتخافشي ع العزبة
ماتخافشي ع الأطيان
ماتوهشي في الحسبة
في خريطة الأرقام
صفرين على بعضك
وف دايرة الأيام
مجتشي من أصله
عند الحكومة سجل
في أوله المولود
وف أخره المفقود
دمر حصون الشر
حدد خطى سيرك
وعشان تكون قادر
ادي الوجع بالرجل
قوم ناوله بالشلوت
..........................
شاعر الإحساس
عبدالتواب الرفاعي
