قتيل تحت فروع عشقك
...................................
هغمض عينى واقولها
واعمل نفسى مش مكسوف
وانطق باللسان كلمه
لها من العد ثلاث حروف
بحبك قلبى ينطقها
برغم انه مليه الخوف
و احبك رغم كسوفى
ورغم الوهم وخوفى
ولو بعنيكى نظرتى
داخل قلبى راح تشوفى
فيه الف ااااااه حرقانى
ودمع العين بيلالى
ومرار الطعم فى حلقى
من البعد ده خلانى
اغمض عينى واقولهالك بحبك موت
جايز تحنى وتلينى وتنسى الهجر وتجينى
مرار الهجر خلانى جسد بيموت
بحبك والحروف تشهد
ولو لسانى راح يسكت
وقلبى يخبى ويصمت
لكن نظراتى فى عينيه
بتفضح فيا احساسى وعليا شهود
قتيل تحت فروع عشقك
وظلك هو الديه
ومش باقى فى الحياه ليا غير ان اشم انفاسك
واملك فيكى احسك واكون الماسه فى تاجك
هغمض عينى واقولها
واعمل نفسى مش مكسوف
وانطق باللسان كلمه
لها من العد ثلاث حروف
بقلم محمد البلاط
