من بين اشواقى شوقى ليكى..... ليلة
من وين القاكى
افديكى من عمرى بألف ليلة
فداكى العمر كله وانول رضاكى ليلة
يا ليلة القدر فى القلب شوق الصبر
حتى لو طال العمر اتمنى القاكى الليلة
يا ليلة حباكى ربى رضا وخير
وصف رسولنا ليلك نسايم عبير
تروى فينا عطش القلوب العليلة
من بين اشواقى شوقى ليكى.. ساعة
وقت السحر تهدى قلوب ملتاعة
يا ليلة القدر عملتك للذنوب شماعة
ورب السما يرحم فيكى عيون دماعة
عيونى متحكلة صبر
وانتي دوا العين الكحيلة
