حبى لك مش حب عادي
والدليل ليلي وسهادي
حبي لك فوق اشتياقي
واشتياقي اليك ينادي
مهما أشرق او أغرب
بسمتك سلوة فؤادي
قلبي باسمك راح ينادي
انت وسط القلب باقي
زي دجله في العراقِ
مش مهم تقول ضعيفه
ده هواك دنيا مخيفه
أو تقول عني عنيده
مستبده أو شديده
المهم أكون فى حضنك
وقت ما أحتاج الحنان
المهم عنيك تاخذني
لزمان غير الزمان
ولمكان ما لوش مكان
خلي حضنك يدفى بيا
قبلتي الطعمه الشهيه
وأخاف عليك وتخاف عليه
زي سكان البوادي
مش حقول
ومش حنادي
حس بيا ولو شويه
تلقى سعادتك بين أيديك
وتﻻقيني فاتحه أيدي
وعيوني في عنيك
أصل حبك غصب عني
زي مطره في شتاه
فجاة من غير ما أونى
رحت غرقانه فى هواه
حره كنت
وبيك أسيره
بعدما كنت الأميره
والمثيره والأثيره
فين زماني وانعتاقي
يا هواني واحتراقي
يلي حارمني رقادي
حبي لك مش حب عادي
