........................... حضــور وإنصـــراف ..............
.................................................................
ايه ذنب لون الحب
يسيل علي الأرض
أيه ذنب دق القلب
ما يبقي له نبـــض
وتتغير الأزمنه
بوجوه متلونه
وحروف الحب
تتبحتر بالعرض
ويبقي الكره عنوان
لا ليه عذر ولا ذنب
كرهت كل الألوان
كرهت كل العقول
أفضل أعيش مجنون
وأهيم في الفصول
وأطبطب علي ذاتي
وألتحم مع أعضائي
وأكوم كل ذكرياتي
وألملم أشــــلائي
وأكتب علي السطور
كان زمان فيه نور
وإنسان حر بسيط
لا يعرف التزوير
قالوا عليه عبيط
عشان طيب وصريح
وما يحبش التجريح
عايش في حاله
ويسئل علي جاره
وما يشغلش باله
إلا في نفسه وداره
وعاش الحياه الحلوه
وليله ذي نهاره
بيسعي بكل قوة
يدور علي قوته
مشغول بأسراره
ويتحاور مع سكوته
ويتكلم مع أفكاره
ولا حد يسمع صوته
وموسيقي أوتاره
تداري ورا مــوتــــــه
ودارت عجلة الأيام
أسرع من الزمـــان
وعمره مــــــر اوام
محسوب بالأرقـــام
علي صفحة الكيان
وشجرة صفــصــاف
وشهادة ميلاد ولقاء
وشهادة وفاه وفراق
وســـــيرة إنســان
تتقال كــــــــــــلام
في حضور وإنصراف
..........................................................................
................. كلمات / حسـن الــشوان.....موثقة........
