يا طالع الشجره
.................................
هاتلى معاك صغرى
أصحابى وأحبابى
نلعب نسوا ونجرى
هاتلى اللى فاتونى
بعدو ونسيونى
جايز تعود أيام
كنت الهنا ليهم
كانو هما سمواتى
وأنا كنت أراضيهم
لو يزعلو حبة
أجرى وأراضيهم
وأن شفتهم
فى النوم
يصعب عليا أصحى
من نومى ما الاقيهم
يا طالع الشجره
هاتلى لى معاك
سمره
كات أخر العنقود
حلمت فى يوم
توصل
لقت الطريق مسدود
رجعت بدمعتها
نسيت طريق بيتها
وقابلها سبع الليل
غنالها كام موال
ووصف له الجنه
ما شافتشى
م العتمه
فرحت بمواويله
سهرت تغنى له
وأتارى كله كلام
طلع النهار صحيت
ونفسها لقيت
فى سجن عالى
هناك
تنده يرد الصدا
ولا باب ولا شباك
وأتارى سبع الليل
كان م الخيال
أعجب
والجنه حواليها
غابه من الأشواك
يا طالع الشجره
روح حرر القمره
علشان يعود النور
وينور السموات
البنت فى القلعه
بتبكى من سنوات
.................................
بقلمى
سلسبيل
