💚   مهداة لأهل الاحلام الوردية 💚

 

     ● هضربة في حلم ●

 

وأنا العشقنك 

وكاتلني عشقك كلما قلت 

من.حبك.اهرب او.أتوب 

يرف قلبي ويقول كيفن 

تسيب.ربدك..للمحبوب 

بعد ما اتهنيت معاه ليالي 

وكيف تأتي... الهبوب 

تقلعك من حضنو الدفي 

وانت محتضنو. يا دوب 

-♡♡♡

 وداعية انتي ولا صاحبة رمل 

أو حتى فاتحة كتاب تشوفي البخت 

انا الزول الوقف بين ودعتينك 

وقال بحبك يا ست الودع وما سكت

لمم تومات الودع وعينه فيك 

غضيتي الطرف خجلانة انت يا...بت 

ولا خايفة الجرح من سهام 

نظراته البتحرق جوفك عشقا.. وقت

تتخيليه فارد  ضراعو ماشي 

نحوك وانت بترجفي يازول ما .تخت 

حضنك علي بتخلي قلبي ينخلع 

يا سيد ريدي بشيشك علي.. ...انت 

بتوقد جمر وصلي ليك غراما زي 

لهيب نارا موقدة في حشاي ...خلت 

دموع عيني بتتسايل ااه منك يا 

زول انت طيف وانا بمسح. ....حبات 

الرمل ما نلت مناي فيك تاني آه 

الزول البريدو كان خيال وما.. .ثبت

 

-● ود قطبي ●  2018 / 1 /10