بحبك ياوطن
كلمات الشاعره سناء عبد الحميد ابراهيم
بحبك ياوطن شامخ وحبك مالك الوجدان
شعبك بالفرح مغمور وفيك مابعارف الاحزان
لانك حضنك الممتد يسع كل كل البجيك عشمان
وخيرك منو تدى الغير وما بتبخل على الجيران
يرفرف فيك علم عزك على ارضك فى كل مكان
وفيك خيرة رجال الليل حداة تكابة القران
صلاح ممتد ومالى صدور يبدد فى القلوب اشجان
****************
على ارضك امد رجلى واتوسد ضفاف نيلك
واضم فى حن تراب مبلول من المطره البشابيلك
دعاشو يفوح مع الانسام يناديلى واناديلك
اقول ياملهم الاشعار اكيد من غربه جايلك
**********************/*********
كفايه اكون من السودان هويه ولى عنوان
السودان لى اخو عزيز والله مهما كان
وطن ال بالسماح موصوف بيلهج بيهو كل لسان
وتاريخو البيحكى اكيد ناصع مع الازمان
مدون فى عقول الناس كفاح ضد العميل وجبان
************************************
ما بوفيهو ابدآ قول مهمانظمت فيهو قصيد
رحابو الواسعه حاضنه قطوق على مر الزمان بتزيد
زراعة على مداهو تمد وقابله اكيد على التمديد
ضفاف نيلو بتزينها جروف بترمى خضار وخضار ونضار فريد
دحين كيفن لغيرو احن واظل من حضنو ديمه بعيد
ولو ساقنى الزمن منو مصيرى اعودلو وتانى اكيد
تحياتى سناء عبدالحميد
ساحة النقاش