___________●هدل الحمام ● ________

هدل الحمام ذكرني يوم كنا هناك ...وقوف

  أنا وانت بنعاين من شواطي..... اب روف 

منظر جناين توتي والطير عليها .....صفوف

..نقول في نغمة واحدة ياليتنا كنا... كفوف 

زي ما الطيور بتصفق لجناها عامله ..دفوف

 يا حبي ليه عاندته وأنا ليك تملي.... ولوف 

ما كان في يوم ألمتك ولا دا كان.... مألوف

 كل الحصل أخبرتك أنا جات علي ...ظروف 

يمكن أسافر بكره حتى الوقت ما ..معروف

 لمتين تكون العودة صدقني جد.... ملهوف 

أكتب كتابي عليك اشيلك معاي في .الجوف

 ما كنت قط مصدق ترفض كلامي... بخوف 

الغربه ما معروفه والزمن كمان... محفوف 

بمخاطر غياب حتميه ودا بالأصل ..موصوف 

فضلت تنهي البينا وكانت علي.... كسيوف 

بترت جميع آمالي وخلتني جد.... مكشوف 

حملت جرحي وعدت الليله ديك ....مأسوف

 لبه يا حمام الزاجل  قمره حب.... خسوف 

و شمسي أضحت شارقه ما عليها .كسوف 

____●سالم عبدالله قطبي ●_________أم درمان /2016/7/15