*** آه منك آه

---------------

*حيرني بعادك يا اسمك أيه

حيرني حُبه وهمس عنيه

وهبتك قلبي تسكن فيه

وغيابك عني يطلع أيه

آه منك آه يابن الأيه

*آه منك آه آه ياني

في نار الشوق جه ورماني

غرقني في حُبه ونساني

طب قوللي في بعدك أعمل أيه

آه منك آه يابن الأيه

*ليلي ونهاري بفكر فيك

طب ابعد عني شويه عنيك

ياتخدني معاك إيدي ف ايدك 

يا تقول لي خصامك يطلع أيه

آه منك آه يابن الأيه

*قلبي اللي في هواك حيران

طول ليلُه ياعيني معاك سهران

طول عمره معاك ماكان ندمان

مهما العزال قالوا عليه

آه منك آه يابن الأيه 

*حلفتك بالحب وسيرته

وبشوق القلب اللي هجرته

رجع لي قلبي اللي أسرته

ياتقول لي حكاية حبك أيه 

آه منك آه يابن الأيه

*أيه اللي غير أحوالك

طمني أيه اللي جرالك

وناسيني ولا ولاعلي بالك

ماتقول لي نهاية بُعدك أيه

آه منك آه يابن الأيه

*حلفتك بالغالي عليك

ماتخدني تاني ف رجليك

قلبي بيحبك وشاريك

حبك وحنانك دبت انا فيه

آه منك آه يابن الأيه 

-------[مبروك البنا]-------