.
تعطيل المرور
.
البدر من خدك
والورد من قدك
وواقفلى فى الشباك
.
انظر ياغزالى
وارحم بحالى
انا قلبى راح وياك
.
عاوز يعنى تجننى
وعقلى يضيع منى
وأموت فى هواك
.
خلاص انا حبيت
وواقفلك قصاد البيت
حتمشى حمشى وراك
.
والمرور حيتعطل
والشغل حيبطل
عشان ضحكة من جواك
.
إضحكها وريحنى
بلاش ياغزالى تجرحنى
وانا اللى قلبى معاك
.
وحياة جمال النبى
إضحك تسير مركبى
انا قلبى بيترجاك
.
تخطى معايا الخطاوى
وان كنت على حبى ناوى
قلبى وروحى فداك
.
بقلمى فارس بلاجواد
ساحة النقاش