سلام وعوافي يا الساقيني ريد ومحنه
كتير واحشني ياالقربك حداي ذي جنه
مابحمل عليك انا يحكو اي مظنه
يا الحارمني نومي وعقلي بيك انا جنه
👋👋👋👋👋👋👋
سلام يا المعاك فرحة عيني وقلبي
يا الزول الحنين المابيفارق دربي
نظرة عينيك فيني رشاش حربي
ناجيت الكريم في الدنيا دايرك قربي
👋👋👋👋👋👋👋
لو جابو القمر قربك محال يسواك
من الناس تقول عجنوك انت براك
مابين الخلوق انسان كانو ملاك
وبي احلي الخصال ربي الكريم خصاك
👋👋👋👋👋👋👋
سلام واشواق من قلبا عشق عينيك
قبل ايام لقاك كان ديمه بحلم بيك
الخلا ايدي ترتعش لامن تسالم ايديك
ذي ضي القمر بيشع جمال خديك
👋👋👋👋👋👋👋
سلام وعوافي يا الشاغل قليبي وفكري
الزوق والفهم تابين معاك من بدري
بتكيف حديثك قهوه فنجان بكري
من نفسك ياريت لو لي فتيلا عطري
👋👋👋👋👋👋
سلام ياريتني اقدر غير سلامي اقول
ياملخبت كياني وفكري بيك مشغول
من لحظه لقاك انا لسه بيك مذهول
وكيف الحال بعد ساعات لقانا تطول
🌺اسيا الناير محمد🌺
ساحة النقاش