حلمت بيك 

 

صدق امس اني شفتك  

لكنو   كان  في المنام 

شفت الزهور  تنده عليك

منتظر منك  بس  سلام 

وسمعت القمر قال مشتهيك 

محتار وطال بيهو الظلام 

وباقي الكواكب مصطفه ليك 

وضابط النجوم رفع التمام

تمام سعادتك الكل حضور 

حياك   الثريا   باحترام  

شفت الربيع شايل الورود 

جات النسايم و   الغمام 

 

والناس تتاوق بي اندهاش 

جنبك قريب نصبو الخيام  

الدنيا جت  كانت  حضور 

وكل  حاااااجه  بانتظام

زحمة خلوق ما ليها حد 

وكانو بس يووووم القيام 

 

 

لكني دون  كل  البشر  

واقف بعيد من ها الزحام 

وفي راسي كان مليون سؤال 

وافكاري في  عدم  انسجام

فجأة  نورك  غمر  المكان  

محياكي  فاق  بدر  التمام  

مبتسمه زي  فلق الصباح 

وارق   من   سجع   الحمام 

ومن  هالة   النور  العليك 

 شمسنا  قالت يا  سلام 

 

منسوج   زفافك  من  درر

زفوك  على  الولد الهمام  

الساعه ديك  نزف الجرح 

وفي قلبي طعنات من سهام  

وصحيت  اقول بي أعلى صوت 

ياناس  حرام  يا ناس  حرام

 

      الفاتح ابو لسر 

       14/3/2016