*
*عتاب*
*
شقيان وروحى طالعة
وقضيت حياتى مصارعة
وحبى لكم وافى
-
انا الفلاح انا الصانع
انا اللى بنيت المصانع
وبعتلكم عسل صافى
-
وتحديت الشمس وحروقي
وزرعتلكم على ذوقى
وضلتكم تحت صفصافى
-
ياما تحديت الليالى
وغطيت على حالى
وسكن البرد فى لحافى
-
وحببتى كانت معايه
وبنعدى اليوم بضحكاية
ونرجع بحبنا الدافى
-
وياما صنعت افراح
وكان الفؤاد مرتاح
وكان الزند متعافى
-
وغنيت للامل مواويل
وسهرت انا والنيل
وتركت عنده مجدافى
-
حببتى تقول هيروح
وانا اقولها بلاش النوح
د النيل عمره مايجافى
-
د احنا حبايبه
وربنا اللى جايبه
خطى ياستى ولاتخافى
-
ولما اتانى المرض
نسيتوا اللى اتفرض
علشان انا حافى
-
حفيت علشانكم
وطول عمرى شايلكم
والعلامة لسه على كتافى
-
ولما تعبت وشوفت الموت
اللى عليا يفوت
مايقول حتى عوافى
-
ولا جاب علاج وسقانى
والعيشة صبحت بتنجانى
يلا ربنا الشافى
*
بقلمى فارس بلاجواد
ساحة النقاش