فؤاد مجروح
بقلم
الهام شحاتة سالم
ـــــــــــــــــــــــــــــــــــــ
ساعات بياخدنى السكات
وارجع لشوق الزكريات
أضحك على نفسى
واقول ماضى كان
واهو راح وفات
قلبى عايش من زمان
مشتاق لترنيمه حنان
أتباع واتهان
كل الحبايب غدرين
باعوا الوداد و العشرة
والشوق والحنين
وحيات فؤادى اللى انجرح
لا سقى قلبهم من عذابى
وحيرتى ودموع الفرح
ماأنا كنت لسه صغيره
وردة جميله منورة
قتلو البراءه ومهجتى
وسابونى فوق متحيره
الذنب دى مش ـ
ذنبهم ذنبى أنا
الغدر كان فى طبعهم
من كام سنه
أغفرلهم جرح الزمن
وللا أشكى لمين
ياألف اّه ..اّه يازمن
لما الحبيب كده يأتمن
على قلب مليان بالحنين
ويدوس عليه
الدنيا دواره أكيد
يوم يفرح القلب الحزين
يحصد حصاد
زرع السنين
وانا هانسى حتى حبهم
وها بدأ حياتى من جديد
ولا هاافتكر
حتى جرحهم
ــــــــــــــــــــــــــــــــ
فؤاد مجروح
من ديوان (( جرح الهوى ))
شعر الهام شحاتة سالم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ساحة النقاش