***" كُـل دقيقـه "
------------------
في كل يوم بيعـدّي عليك
وانت بعيد عني ف اراضيك
اسرح في الدنيـا بخيـالي
وارسم أحلامي في عنيك
ارسم جنة وفيها شـوارع
كـلهـا بـتـوصلـنـي إلـيـك
شوقي يَخُدّني لحد عيونك
واسكن جُـوه حَنان إديـك
رغم دموعي رغم جروحي
اعمل ايه وانا قلبي شاريك
انت لروحي النفـس الطـالع
كل حـواسي بتـفـرح بيك
كل ما أبعـد قـلبـي عـنـك
يرجع تاني يجـري عليك
كل ماتبعد وانوي هجرك
ترجع روحي تفكـر فيك
اكتب شعر بكل محاسنك
ويزيد تاني شـوقي إليـك
انا مقـدرش أداري حبك
لما عنيه تيجي في عنيك
إيـاك تـبعـد عـني ثـواني
ناري ودمعي يدعو عليك
ارحم قـلبي وبَـرّد نـاري
ارحم حبي وشـوقي أليك
طيفك دايماً بين أحضاني
كل احلامي جـوه عنيك
وقلبي بيهرب مني أليك
وكل دقيقه يِعَـدّي عليك
-----[مبروك البنا]-----
ساحة النقاش