لفيت غيرك مالقيت

فى الدنيا ذيك من نظير

ياسمحه فوق كل السماح

ياواحه فى عز الهجير 

انا بستمد منك غناي

واحساسى بيك دايما كبير

ياحضن دافي بﻻ حدود

ضامينى من لسع صغير 

يافرحه جوه الجوف بحس

بالفرحه بيك انا داير اطير

ياغاليه يا عشقى النبيل

يا البيك مربوط المصير

انتى الجمال تام النصاب 

الماهو متواجد كتير

يا منبع الشعر الجميل 

ياعين مدفقى ذي غدير 

انتى الموطنه فى القليب

زاد ليا فى طول المسير

يا الفرقتك تصعب علي

ماهو الفراق دايما مرير

مكسور جناح قدام هواك

وين امشى بي خاطري الكسير

غير انى اعيشك انتى ريد

وانا فى هواك اعيش امير

ومابقدر اتخيل بﻻك 

غير سيل من الدمع الغزير

ياواضحه ذي عز النهار 

انا مالقيت منك اخير 

وانا خطوه منك مااا مشيت

قبل امشي منك بستخييييير

مدانى احساس بالامان 

يااا بلدى ياااوطنى القريرررررر

كلماتى تحياتى

فوزيه جيب الله/دويم ودحاج