A.S.S

قالو جيت ولقيتني مافي

يا عسل من امو صافي

 لو كنت بعرف بي زيارتك

 كنت جيت قبليك حافي

❤💘💘💘❤

شلت فحمه كتبت اسمك

لقيتو فوق لي بابنا ضاوي

اربعه حروف زي ازاهر

كل حرف للتاني حاوي

مش غريبه احساسنا واحد

وانا لي زيارتك كنت ناوي

كم طريق بفضح حبايب

قلبي ليك والله هاوي

❤💘💘💘❤

يوم زيارتك دنيا راااايقه

وقلبي طاير من  محلو 

والطريق مرتاح وهادي

رزاز مطر داعبنا طلو 

والازاهر عطر فايح

كمل عقاب ارياحنا كلو 

شان تطيب ليك دربك

انت عطرك كافي فلو

❤💘💘💘❤

المواعيد يوم تحين 

كل المشاعر تستجيب

الغياب فاضحني عزرو 

 نبض المشاعر ما بغيب

 الحبيب المرضو شوفتك

ايه يفيد فيهو الطبيب 

لي في شوفتك اماني

خليها لو تسمح قريب

22/10/2015

#اسعدسعيدسليمان