ياقلبي الحنين ارجوك كفايا خلاص 

ويلاك نعلن الترحال.

نبعد من انين الأهه ومن وهم السنين الطال.

نشوف درب الفرح بي وين  نفتش لي سعدنا الضال.

مادام الحبيب جافانا وخل قصور غرامنا اطلال.

عجل بالرحيل قوماكا ليا وليكا سترة حال.

عارف اني ما محظوظه وكيفن يسعد الشقيان.

كل م دقه بابي فرح سريع تجي تقفلو الاحزان.

ويوم جربت دنيا الريد ..لقيتا مدن بلا عنوان.

كفايا خلاص. تعبت خلاص يلاك نمشي اي مكان.

ونبعد قدر ما نقدر نسيب الكل ونعيش في امان.

 نكون زي الفراشان حالمه ترشف من ندي الازهار.

نكون زي الغيوم في الجو ورزاز ففي صحبه الامطار.

نعيش ايامنا من غير هم ومن كذبه حبيب غدار.

تعبت كفايه ي قلبي وضقت مراره القسوه.

اخير تبعد عشان ترتاح وتنسي الماضي بالمره.

وقالو العتره ياقلبي اكيد بتصلح الخطوه .....

🌺✍🏻رجاء النظيف🌺

حقوق النشر محفوظه ☺