اقسى حاجة
--------------
اقسى حاجة لما انت
تحترم انسان تريده
ويبقى ليك اسباب سعادتك
واقسى حاجة لما انت
تشيل عواطفك وكل مشاعرك
وتحصد القسوة بوداعتك
واقسى حاجة لما انت
تلقى زول كان ليه في جواك فرحة
وكنت منه بتستمد الوان شجاعتك
واقسى حاجة انه انت
تعيش عشانه وتحيا بيه
الا هو
لا يحتويك لا يشتريكا
وبرضو بيبخس بضاعتك
..........
واقسى حاجة لما تحيا
وانت في جواك مشاعر
وتبني احلام في الخيال
واقسى حاجة لما تحيا
وانت في جواك سعادة
وتبقى فاكر انه انت بقيت سعادته
وانك اجتزت المحال
واقسى حاجة لما تلقى
حياتك الفاتت وهم
وكانت قصور
مبنية من حبة رمال
.........
اعتماد اسماعيل خورشيد
ساحة النقاش