قصيدة رؤيا 

 

رأيتك في مايري النايم

سحابة صيف

بقت بين الشمس بيني

سقتني خريف

وزرعك فيني شوقر وقام

واناالساعيكي لقدام

زرعتك ببن فصول الروح 

ربيع وخريف

وحبك اصلو ماكان زيف

ولاعينيكي كانت طيف

انتي حقيقة في جواي

تفيض تملا المشاعر بوح

وانتي معايا وين مااروح

ادسك جوة في قلبي

واتاكي عليكي باب الروح

اخبي عينيكي من الناس

واجيك اتسورك احساس

وافاخر بمدن عينيك

مشاعل في الزمن بتلوح

وانتي معايا وين مااروح

مشاويرك دروب سفري

متاهاتك سكك قدري

وحاتك انتي من بدري

مقسمة في سنين عمري

عشق جوادو مامكبوح

وانتي معايا وين ما اروح

اقيف اتاملك مرات

احسك انتي مني الذات

وانا الذاتك

واسافرفي عويناتك

امد خطواتي لقدام

تلوح لي مناراتك

تمرقي علي عديلة وزين

مشاعرك سابقة خطواتك

واجيك اتوهطك تحنان 

اصابح بيك زماني الكان

مجرتق بصباحاتك

واقيف وسط العشق واهتف

ادق صدري وابادل ذاتي بذاتك

 

بشير محمد  (ود العقيد)