A.S.S نحن خلاص رجعنا سوا ختيت ايدي في ايدا رجعنا طريق ملان بالحب و ريدة ريدتي بتريدا ⚡⚡⚡⚡ اسي خلاص رجعنا تمام و زي اول بقينا سوا وتاني بقيتي لي ترياق شوفتك لي جروحي دوا اصرصر في الفرح كيمان معانا هيام وحب وهوى معانا الألفة باينه عليك تخفف كل بعاد ونوى ⚡⚡⚡⚡⚡ زمان قالو لي بنساك اعيش غيرك اكون هاني وما عارفين بريق عينيك يسوقني اجيك من تاني يخدر في دريبي زهور يوزع فرحه مجاني وعارف مافي فرحه بلاك و وحدك جوه وجداني ⚡⚡⚡⚡⚡ براي فكرت في الحاصل زعل احباب بمر عادي برجع تاني لي ريدا اصابح وشها النادي كلام عينين بدون احرف زولي حنين رقيق هادي زول بي الف زول زي ديل ملكت حرفي وانشادي 12/2/2016 #اسعدسعيدسليمان