A.S.S 🌿🌹🌹🌿 انا راضي تنكر كل حاجه الا ذكري الريده سيبا كنا اصدق ناس بريدو ولسه ذكراك لي حبيبا وفينا نار الغيره فاضت و اسي نحن بنصطليبا وكنت واعد روحي توفي الا دنيا الريد عجيبه 🌺🍀🍀🌺 كنا عنوان للبريدو والله بس بي ريدنا عالم ويا حليل كلمات غرامنا لمه تطلع وفيك تناغم وانت بترد بي ابتسامه وكان معاك الورد باسم واسي تنكر في البريدك قول لي مين بقاك ظالم 🌺🍀🍀🌺 كنا عنوان للبريدو وكان بريدك وانت حاسي وكل مشاوير البحبو والشوارع والاماسي والعيون ساكته و بتحكي وكان شراع الريده راسي وكنا عايشين في محبه واسي مين خلاك قاسي 🌹🍀🍀🌹 الريده لاشوف لا مظاهر لا مفاخره للبحبو لا حبيب قاليك بحبك وانت تفرح ونفتخربو الريده احساس انتو واحد وزول طبيبك وانت طبو ومهما دنيا الريد بتعمل للابد تفضل تحبو 💚اسعدسعيدسليمان 💢16/7/2015💢