لحظه ي نور العيون 

يعني كيفن بس تسافر 

وانت عارف اني بهواك 

ولسه نحن البينا عامر 

واني بفرح بس اشوفك 

ولي بعادك ماني قادر 

اصلي قبلك كنت موجوع 

وفي العذاب غرقان وصابر 

وانت ياك مصدر سعادتي 

كيف تقول اليوم مسافر ??

الفرح الدقه بابي 

اصلو جاني مع رؤاك 

والسعاده الفي عيوني 

نابعه من طلت بهاك 

اصلي مافكرت يوم 

ممكن ابعد من حداك 

وانت جاي اليوم بتهدم 

فرحه مااكتملت معاك 

ي حبيب الدنيا بعدك 

وحشه مابتعرف صباح 

والفراق الكنت شايفاه 

من بعيد الليله لاح 

كنت منتصره بوجوك

ولابسه توب حبك وشاح 

الا في الريد ي حبيبي 

الرحيل دايما مباح 

ي سنين الفرقه عدي 

ورجعي ايام صفانا 

بيها نفرح ونبتهج

 وتكتمل لوحة لقانا 

ندفن ايام العذاب 

وننسي كل لحظات جفانا 

ويبقي باقي عمرنا غنوه 

وترقص الايام معانا

🌹اسيا النايرمحمد🌹?