ﻗﺼﺪﻙ ﺷﻨﻮ؟

ﺍﻧﺎ ﻣﺎﺟﻔﻴﺖ

ﻭﻻﺣﺘﺎ ﻏﻴﺮﻧﻲ ﺍﻟﺰﻣﻦ !

ﻗﺼﺪﻙ ﺗﻘﻮﻟﻲ ﻋﻠﻲ ﻗﺴﻴﺖ ﻭﺍﻧﺎ

ﻗﻠﺒﻲ ﻟﻲ ﺭﻳﺪﻙ ﻭﻃﻦ

ﻛﺬﺍﺑﻪ ﻳﺎﺳﺖ ﺍﻟﺴﻤﺎﺡ ﺑﺘﻔﺘﺸﻲ

ﺍﻻﺳﺒﺎﺏ ﺑﺮﺍﻙ

ﻭﺍﺳﺒﺎﺑﻚ ﺍﻭﻫﻦ ﻣﻦ ﻭﻫﻦ

ﻛﺎﻥ ﺑﻴﻨﻲ ﺑﻴﻨﻚ ﺍﻟﻒ ﺑﺎﺏ ﻭﺣﺼﻮﻥ

ﻣﻨﻴﻌﺎﺕ ﺇﺗﺒﻨﻦ

ﻟﻜﻦ ﻋﺰﻳﻤﺘﻲ ﺍﻟﻤﺎﺑﺘﻠﻴﻦ

ﻭﻗﻔﺖ ﻗﺼﺎﺩﻥ ﻓﻲ ﺷﻤﻮﺥ

ﺇﺗﻔﺘﺤﻦ ﻭﺇﺗﺤﻄﻤﻦ

ﻭﺯﻱ ﻣﺎ ﺯﻣﺎﻥ ﺟﺒﺘﻚ ﻏﺼﺐ

ﻭﻭﺭﻳﺘﻚ ﺇﻧﻮ ﺍﻟﺮﻳﺪﻩ ﻓﻦ

ﺩﺭﺳﺘﻚ ﺍﻟﺤﺐ ﻭﺍﻟﺤﻨﺎﻥ ﻛﻞ

ﺍﻟﻤﻌﺎﺟﻢ ﻭﺍﻟﺴﻨﻦ

ﻗﺎﺩﺭ ﺍﻫﺪﻣﻚ ﻣﻦ ﺟﺪﻳﺪ ﻗﺎﺩﺭ

ﺍﺩﻓﻌﻚ ﺍﻟﺜﻤﻦ

ﻟﻮﺇﻧﺘﻲ ﺇﺧﺘﺮﺗﻲ ﺍﻟﻔﺮﺍﻕ ﻭﺩﺧﻠﺘﻲ

ﺟﻮﻩ ﺣﻴﺎﺗﻨﺎ ﻇﻦ

ﺇﺗﺬﻛﺮﻱ ﺍﻟﻤﺎﺿﻲ ﺍﻟﺴﺤﻴﻖ ﺃﻳﺎﻡ

ﻋﻠﻲ ﻋﻴﻨﻴﻚ ﺑﻜﻦ

ﻓﻮﺗﻴﻨﻲ ﺍﻣﺸﻲ ﺑﻼ ﺍﺳﻒ ﺍﺻﻠﻮ

ﺇﻧﺪﻫﺎﺷﻲ ﺍﻧﺎ ﻓﻴﻜﻲ ﻃﻦ

ﻭﻣﺎﺗﻈﻨﻲ ﺑﺘﻌﺬﺏ ﻭﺭﺍﻙ ﺍﻭﻟﻲ

ﻣﻼﻗﺘﻚ ﺑﺤﻦ

ﻋﺎﺭﻓﺎﻫﻮ ﻗﻠﺒﻲ ﺑﺮﺍﻙ ﺣﺠﺮ ﻓﻲ

ﺟﻨﻮ ﺯﺍﻳﺪ ﻳﻮﻣﻲ ﺟﻦ

ﺇﺧﺘﺎﺭﻱ ﺣﺪﺩﻱ ﻣﻮﻗﻔﻚ

ﻫﺎﻛﻲ ﺍﻟﺨﻴﺎﺭﺍﺕ ﻭﺍﻟﻄﺮﻕ ﺷﻮﻓﻲ

ﺍﻟﺒﻌﺠﺒﻚ ﻣﻨﻬﻦ

ﻳﺎﺗﺒﻘﻲ ﻧﺴﺎﻡ ﺯﻱ ﺯﻣﺎﻥ ﻧﺮﺟﻊ

ﺧﻠﻴﻠﻴﻦ ﻭﺇﺣﺘﻮﻳﻚ

ﻻﺗﻈﻨﻲ ﻓﻴﻨﻲ ﻭﻻﺃﻇﻦ

ﻳﺎﺇﻣﻪ ﺇﺧﺘﺎﺭﻱ ﺍﻟﺒﻌﺎﺩ ﻏﻴﺮ ﻗﻠﺒﻲ

ﺷﻮﻓﻴﻠﻚ ﺳﺠﻦ؟

الطيب حامد