مرت اللحظات سنين
في اشتياق لي طلتك
نحن منتظرين حضورك
حتي الاماكن فقدتك
كل فرحنا ببسمه منك
بي وجودك وضحكتك
لا الحنين ساقك علينا
ولا الصباحات جابتك
كنت ديمة تجي وتصابح
وكنا اكتر من حبايب
وفي اياديك احلي وردة
تمسح الاحزان تطايب
الطيور لي عشيشا راجعة
وانت لساك برضو غائب
وهسة رافعين الاكف
ندعو ماتطولك مصايب
انت ياك مصدر سعدنا
والقريب لقلوبنا ديمة
عيونا تدمع في بعادك
وتصبح اللحظات أليمة
حتي الزهور تفقد نوارة
تبقي زي اطفال يتيمة
ولسة منتظرين مجيك
بكل افراحنا القديمة
لسه منتظرين وصالك
لو تجود تاني بسلامك
ترسل الضحكات حنينة
ونحن نفرح بي كلامك
ترجع الايام جميلة
وتاني ننعم بي وئامك
ما انت لي دنيانا غنوة
وكل زعلنا حطام امامك
❄ اسيا الناير محمد ❄
ساحة النقاش