(ﻓﺎﻃﻤﻪ ﺍﻟﺴﻤﺤﻪ )
ﻓﺎﻃﻤﻪ ﺍﻟﺴﻤﺤﻪ ﻳﺎﺣﺒﻮﺑﻪ
ﻟﺴﻊ ﻳﺎﻫﺎ ﻧﻔﺲ ﺍﻟﺰﻭﻟﻪ
ﻻ ﺑﻠﻎ ﺍﻧﺪﻫﺎﺷﻲ ﻓﻄﺎﻣﺎ
ﻻ ﻧﻘﺪ ﺍﻟﺪﺑﺎﺱ ﻗﻨﺪﻭﻟﻪ
ﻟﺴﻊ ﻣﺎ ﺍﻧﻜﺴﺮ ﺍﻳﻤﺎﻧﺎ
ﺣﺎﻓﻈﺎ ﻋﺮﻭﺿﻪ ﻋﺎﺭﻓﻪ ﺍﺻﻮﻟﻪ
ﻛﺎﺗﻤﻪ ﺍﻟﺮﻳﺪﻩ ﻓﻲ ﺟﻮﺍﻫﺎ
ﻣﺎﺑﺘﻔﻀﺢ ﺧﻠﻴﻼ ﺧﺠﻮﻟﻪ
******
ﻛﺎﻧﺖ ﻛُﻞ ﺷﺊ ﻳﺎﻳﻤﻪ
ﻋَﻦ ﻧﻮﻣﻲ ﻭﺻﺤﺎﻱ ﻣﺴﺆﻟﻪ
ﻭﻛﻨﺘﺎ ﺍﻧﺎ ﻓﺎﺭﺳﺎ ﺍﻟﺠﻮﺍﻫﺎ
ﺷﺎﻃﺮﻩ ﻭﻓﻲ ﺩﺭﻭﺳﺎ ﺍﻻﻭﻟﻪ
ﺍﻻ ﺍﻟﻘﺴﻤﻪ ﻗﺎﻟﺖ ﻻﻻ
ﻓﺎﻃﻤﻪ ﻃﺮﻕ ﻫﻮﺍﻙ ﻣﻘﻔﻮﻟﻪ
ﻭﺭﻏﻤﺎ ﻋﻦ ﻗﺴﺎﻭﺓ ﺍﻳﺎﻣﺎ
ﻓﺎﻃﻤﻪ ﺍﻟﺴﻤﺤﻪ ﺣﺒﺖ ﻏﻮﻟﻪ
ﺍﻻ ﺍﻟﻐﻮﻝ ﻭﻻ ﺣﺴﺎﺑﺎ
ﻻﺿﺎﻕ ﻳﻮﻡ ﺣﺼﺎﺩ ﻣﺤﺼﻮﻟﻪ
********
ﻻ ﺍﻧﻜﺴﺮ ﺍﻟﻤﺮِﻕ ﻓﻲ ﺭﻳﺪﺍ
ﻻﺣﻄﻢ ﺯﻣﺎﻧﻮ ﺳﺪﻭﺩﺍ
ﻓﺎﻃﻤﻪ ﺍﻟﺴﻤﺤﻪ ﻳﺎﺣﺒﻮﺑﻪ
ﻓﻲ ﻋﻴﺸﺔ ﺍﻟﻨﻜﺪ ﻣﺤﺴﻮﺩﻩ
ﺍﻻ ﺍﻳﻬﺎ ﺫﺍﺕ ﺍﻟﻐﺒﺸﻪ
ﻟﺴﻪ ﻭﻻﻧﺴﺖ ﻭﺍﻗﻮﺩﺍ
ﻛﻞ ﻳﻮﻣﻴﻦ ﺑﺘﺮﺟﺎ ﺍﻟﻠﻮﺭﻱ
ﺗﻜﺘﺐ ﻟﻲ ﺣﺒﻴﺒﺎ ﻋﻬﻮﺩﺍ
ﺍﻧﻬﺎ ﻣﺎﺑﺘﻜﻮﻥ ﻟﻲ ﻏﻴﺮﻭ
ﻻ ﺑﺘﺨﻄﺎ ﺟﻨﺪﻱ ﺣﺪﻭﺩﺍ
ﺍﻻ ﻋﻠﻴﻬﻮ ﻣﺎﻳﻨﺴﺎﻫﺎ
ﻳﺴﺮﻉ ﻭﻳﺴﺘﺠﻴﺐ ﺑﺎﻟﻌﻮﺩﺍ
ﻓﺎﻃﻤﻪ ﺍﻟﺴﻤﺤﻪ ﻟﻠﻌﺮﻓﻮﻫﺎ
ﻣﻦ ﺭﺣﻢ ﺍﻟﻮﺟﻊ ﻣﻮﻟﻮﺩﺍ
ﺍﻻ ﺑﺮﺍﺋﺘﺎ ﺍﻟﺠﻮﺍﻫﺎ
ﺑﺘﻀﻮﻱ ﺍﻟﻴﺎﻟﻲ ﺍﻟﺴﻮﺩﺍ
******
ﻓﻲ ﺟﻮﺍﻫﺎ
ﻛﻞ ﺍﻟﻄﻴﺒﻪ
ﺑﺘﺠﻞ ﺍﻟﻜﺒﻴﺮ
ﻭﺍﻟﺸﻴﺒﻪ
ﻟﻠﻤﺠﺮﻭﺡ
ﺑﺘﺒﻘﺎ ﻃﺒﻴﺒﻪ
ﻣﺎﺧﺎﻧﺖ ﻋﻴﻮﻧﺎ
ﺣﺒﻴﺒﻪ
ﻓﻴﻬﺎ ﺑﺮﺍﺋﻪ
ﺫﺍﺗﺎ ﻋﺠﻴﺒﻪ
ﻋﻨﻬﺎ ﻣﺎﺑﻨﺪﻭﺭ
ﺍﻟﻐﻴﺒﻪ
ﻓﻲ ﺟﻮﺍﻱ
ﻓﺮﻳﺪ ﺗﺮﺗﻴﺒﻪ
ﻗﻠﺒﻲ ﻳﻤﻮﺕ
ﻭﻻﺑﻴﺴﻴﺒﻪ
ﺿﺤﻜﺘﺎ
ﻗﻤﻪ ﻓﻲ ﺗﻬﺬﻳﺒﻪ
ﺑﺴﻤﺘﺎ ﻟﻠﺒﺸﻮﻓﺎ
ﻣﺼﻴﺒﻪ
ﺯﻭﻟﺘﻲ ﺍﻟﻐﺎﻟﻴﻪ
ﻳﺎﺣﺒﻮﺑﻪ
ﻛﺎﻣﻠﻪ ﻭﻣﺎﻓﻲ
ﺷﻴﺘﺎ ﺇﻋﻴﺒﻪ
*******
ﻓﺎﻃﻤﻪ ﺍﻟﺴﻤﺤﻪ ﻳﻮﻡ ﻣﺎﺗﺒﻜﻲ
ﺗﺰﻑ ﻛﻞ ﺳﺤﺎﺑﻪ ﺍﻣﻄﺎﺭﺍ
ﻭﺗﺜﻮﺭ ﺍﻻﺭﺽ ﻳﺎﻳﻤﻪ
ﺗﻤﺮﻕ ﺑﺎﻟﺤﻤﻢ ﺍﺳﺮﺍﺭﺍ
ﺗﺴﺘﺠﺪﺍ ﺍﻟﺪﻣﻮﻉ ﺑﺮﻛﺎﻧﺎ
ﻣﻦ ﻧﻴﺮﺍﻥ ﺗﻘﻠﺒﻮ ﺣﺠﺎﺭﺍ
ﺷﺎﻥ ﺟﺎﻫﺎ ﺍﻟﺰﻣﻦ ﺳﺎﻛﻨﻮ
ﻣﻈﻠﻮﻡ ﻓﻲ ﺣﻤﺎﻫﺎ ﺍﻧﻀﺎﺭﺍ
*******
ﻓﺎﻃﻤﻪ ﺍﻟﺴﻤﺤﻪ ﺑﺖ ﺭﻳﻔﻴﻪ
ﻳﻮﻡ ﻣﺎﻟﺒﺴﺖ ﺍﻟﻨﻈﺎﺭﺍ
ﺣﺘﺎ ﻭﻛﺖ ﺧﻴﺎﻟﻲ ﻳﺠﻴﻬﺎ
ﺗﺘﻜﻔﻠﺖ ﺗﻠﻔﻮ ﺧﻤﺎﺭﺍ
ﻟﻮﻧﺎ ﺑﻴﺪﻱ ﻟﻮﻥ ﺍﻟﻤﻮﻳﻪ
ﻓﻮﻕ ﻟﻲ ﻟﻮﻧﺎ ﺗﺎﻧﻲ ﻧﻀﺎﺭﺍ
ﻃﻴﺒﻪ ﻭﻟﻠﺒﻴﻈﻠﻤﺎ ﺗﻌﻔﻲ
ﻋﻬﺪ ﺍﻟﻄﻴﺒﺎ ﺭﺍﻓﻌﺎ ﺷﻌﺎﺭﺍ
ﻭﺍﺟﺒﺎ ﻣﺎﺑﺘﻘﺼﺮ ﻓﻴﻬﻮ
ﻟﻮ ﻳﺤﻀﻦ ﻇﻼﻣﺎ ﻧﻬﺎﺭﺍ
ﻓﺎﻃﻤﻪ ﺍﻟﺴﻤﺤﻪ ﻳﺎﺣﺒﻮﺑﻪ
ﻣﺎﺑﺘﻘﺒﻞ ﻋﻮﺍﻃﻔﻲ ﻭﺩﺍﺭﺍ
******
ﻳﻮﻡ ﺑﺎﻟﺼﺪﻓﻪ ﺟﻴﺖ ﺍﻟﺤﻠﻪ
ﺷﻔﺘﻬﺎ ﻛﺎﻥ ﻣﻀﻮﻱ ﺍﻟﺴﺎﺣﻪ
ﺭﻗﺼﺖ ﻭﻃﻠﻌﺖ ﺍﻫﺎﺗﻲ
ﺳﺮﻗﺖ ﻣﻦ ﻓﺆﺍﺩﻱ ﺍﻟﺮﺍﺣﻪ
ﻣﻔﺮﻭﺽ ﻳﻤﻪ ﻛﺎﻥ ﺗﺘﺨﺘﺎ
ﻓﻮﻕ ﺗﺎﺝ ﺍﻟﺴﻤﺎﺣﻪ ﺳﻤﺎﺣﻪ
ﺷﺎﻥ ﻛﻞ ﺍﻟﺤﺴﺎﻥ ﻳﺎﻳﻤﻪ
ﻣﺎﻓﻴﻬﻦ ﺷﺒﻴﻬﺎ ﺻﺮﺍﺣﻪ
ﻓﺎﻃﻤﻪ ﻓﺮﺣﻨﺎ ﻓﻲ ﺟﻮﺍﻫﺎ
ﺍﻛﺒﺮ ﻣﻦ ﺗﺤﺪﻭ ﻣﺴﺎﺣﻪ
ﺭﻗﺘﺎ ﻣﺎﻓﻲ ﻳﻤﻪ ﻣﺜﻴﻼ
ﻓﺎﺭﺩﻩ ﻗﺼﺎﺩ ﺷﻤﺴﻨﺎ ﺟﻨﺎﺣﻪ
ﺷﻔﺘﻬﺎ ﻣﺮﻩ ﻭﻗﻔﺖ ﺿﺮﻭﻩ
ﺷﺎﻥ ﺗﺤﻤﻴﻨﺎ ﻓﻲ ﺍﻟﻜﺘﺎﺣﻪ
ﺑﺘﺒﺎﺩﻝ ﺍﻟﻌﺒﻮﺱ ﺑﺎﻟﺒﺴﻤﻪ
ﺑﺘﻌﺎﻟﺠﻨﺎ ﺗﻨﺴﺎ ﺟﺮﺍﺣﻪ
*******
ﻭﻗﺎﻟﻮ ﻳﻮﻡ ﺑﺎﻟﺼﺪﻓﻪ ﻃﻠﻌﺖ
ﺍﻟﻘﻤﺮ ﺧﺠﻼً ﺗﻮﺍﺭﻯ
ﻭﺍﻟﺸﻤﺲ ﻟﻐﺖ ﺍﻧﻌﻜﺎﺳﻪ
ﻭﺍﻋﻠﻨﺖ ﻓﻄﻮﻡ ﺧﻴﺎﺭﻩ
ﺷﺎﻟﺖ ﺍﻟﻘﻤﺮﻩ ﺍﻟﻜﺌﻴﺒﻪ
ﺳﻜﻨﺖ ﻓﻄﻮﻡ ﻣﺪﺍﺭﻩ
ﻓﺎﻃﻤﻪ ﻳﺎﺣﺒﻮﺑﻪ ﺗﻔﻬﻢ
ﺑﺎﻟﻌﻴﻮﻥ ﻗﺒﻞ ﺍﻻﺷﺎﺭﻩ
ﺧﺠﻠﺖ ﺟﻴﺪ ﺍﻟﺴﻤﺎﺣﻪ
ﻭﻟﻌﺖ ﻓﻲ ﻗﻠﺒﻲ ﻧﺎﺭﻩ
ﻓﺎﻃﻤﻪ ﺿﺤﻜﺔ ﻛﻞ ﺷﺎﻓﻊ
ﺗﻌﻨﻲ ﺟﻮﺍﻫﺎ ﺍﻧﺘﺼﺎﺭﻩ
ﻭﺍﻱ ﺩﻣﻌﻪ ﺣﻮﺟﻪ ﺗﻄﻠﻊ
ﻓﻴﻬﺎ ﻳﻈﻬﺮ ﺍﻧﻜﺴﺎﺭﻩ
ﻓﺎﻃﻤﻪ ﻗﺼﻪ ﻛﺒﻴﺮﻩ ﺟﺪﺍ
ﻭﻓﺮﺣﻪ ﻟﻲ ﻛﻞ ﺍﻟﺤﻴﺎﺭﻩ
******
ﻛﻨﺘﺎ ﺑﺘﻜﻴﻒ ﻭﺍﺻﻔﻖ
ﻟﻤﺎ ﺗﺰﺩﺍﺩ ﺍﻟﺤﻜﺎﻭﻱ
ﻋﻦ ﺟﻤﺎﻝ ﻓﺎﻃﻤﻪ ﺍﻟﺒﻴﺒﻬﺮ
ﻭﺍﻟﺘﺮﺍﺗﻴﻞ ﻭﺍﻟﻐﻨﺎﻭﻱ
ﻭﻟﻤﺎ ﻟﻲ ﺣﺒﻮﺑﻪ ﺗﻨﺪﻩ
ﻳﺎﺑﺎ ﺗﺨﺘﺎﻛﺎ ﺍﻟﺒﻼﻭﻱ
ﻳﺎﻣﺎ ﺷﺨﺒﺘﻚ ﻛﺘﺎﺑﻪ
ﻓﻲ ﺟﺪﺍﺭ ﺭﻭﺣﻲ ﺍﻟﺘﻼﻭﻱ
ﻫﻢ ﻓﺮﺍﻕ ﻗﻠﺒﻲ ﺍلبريدك
ﻭﺍﻟﻤﺼﺎﻳﺐ ﻭﺍﻟﺸﻜﺎﻭﻱ
ﺷﺎﻥ رسمتك ﻓﻲ ﺣﻴﻄﻨﺎ
ﻓﻲ ﺍﻟﺠﻮﺍﻣﻊ ﻭﺍﻟﻘﻬﺎﻭﻱ
ﻭﻛﻞ ﻣﺎﻳﺸﻜﻮﻧﻲ ﺍﻛﺘﺮ
ﻳﻜﺘﺮ ﺍﻟﻠﻮﻥ ﺍﻟﺴﻤﺎﻭﻱ
ﺷﺎﻥ ﺑﺤﺐ ﺍﺭﺳﻢ ﻋﻴﻮﻧﻚ
ﻭﻓﻲ ﺧﻴﺎﻟﻚ ﺍﺑﻘﺎ ﺭﺍﻭﻱ
******
ﻓﺎﻃﻤﻪ ﻋﻨﺪﻱ ﺣﻘﻴﻘﻪ
ﻛﺎﻣﻠﻪ ﺍﻻ ﻋﻨﺪ ﺍﻟﻨﺎﺱ ﺣﻜﺎﻳﻪ
ﻻﺑﺘﻌﺮﻑ ﻟﻠﺪﺳﺎﻳﺲ
ﻻﺑﺘﻨﻘﻞ ﻟﻠﻮﺷﺎﻳﻪ
ﻣﺎﺳﻜﻪ ﻓﻲ رب الخلائق
ﻭﻣﺎﺣﺼﻞ ﺷﺮﺑﺖ ﻣﺤﺎﻳﻪ
ﻭﻛﻞ ﻣﺎﻃﻮﻝ ﻇﻼﻣﻨﺎ
ﻟﻲ ﺗﻘﻮﻝ ﺍﻟﺸﻤﺲ ﺟﺎﻳﻪ
*******
فاطمه شوف كل العمايا
وفي اللطافه كما السحابه
ﻭﻣﻦ ﺩﻭﻥ ﺍلحسان يا ﻳﻤﻪ
ﺻﺎﺩﻑ ﻭﺩ ﻫﻮﺍﻱ ﻧﺸﺎﺑﻪ
ﻃﻌﻤﺖ ﺍﻟﺒﺤﺮ ﺑﻲ ريدا
ﺍﺩﻣﻦ ﻛﻞ ﻭﻃﻨﺎ ﺷﺮﺍﺑﻪ
ﻋﻤﻤﺖ ﺍﻟﺴﻼﻡ ﻭﺍﻟﻄﻴﺒﻪ
ﺍﻋﻠﻨﺖ ﺍﻧﻮ ﻣﺎﻓﻲ ﺣﺮﺍﺑﻪ
ﻭﺍﻟﻮﻃﻦ ﺍﻟﺒﺸﻴﻞ ﺍﺷﺘﺎﺗﻨﺎ
ﻛﻴﻒ ﺳﺎﻋﺔ ﻳﻠﻤﻨﺎ ﻧﺎﺑﻪ
********
كل بنات الحلي زيهها
الا بس ياها الاميره
تسند الفاقد الاراده
شان يواصل للمسيره
غبشا من رحم الغلابه
وبالوطن مليانه غيره
فاطمه قصة ريده كامله
عما كل الدنيا خيره
ﺣﺴﺎﻡ ﻛﺒﻠﻲ
ساحة النقاش