ماعندي حيل انا للسفر
سافرت في عينيك كتير
اسرني سحرها والحور
⭐⭐⭐⭐⭐
كان حظي مدن ضباب
تتراءي لي انهر سراب
زادي كان حبة يقين
يمسح جروحي النوسرت
ويمحو لي جور السنين
وانطباعات الصور
⭐⭐⭐⭐⭐⭐
صالحت بيك زمن اليباب
خضرت بيك جدب المشاعر
وسقيا المني جريان تساب
ومابين وجودك ومنتهاي
ياسيدي كمين من عذابات
الضني من التحسر والعذاب
⭐⭐⭐⭐⭐⭐⭐
ضربت احلامي بعصاي
فجرت ينبوع الحنان الكان جواي
شربني كاساتك دوام لا تعوث فساد
في اشتهاي
⭐⭐⭐⭐⭐⭐⭐
راودني طيفك بعد حين
قاومت لي جراحاتي واساي
ماعاد بيشجيني الخيال
حصنت نفسي وخاطري
بكل تماميمي وغناي
⭐⭐⭐⭐⭐⭐⭐
ماعدت اطمح في المسير
تاهت خطاي فوق الرمال..
وحملت اشلائي ولجات ليك
من رؤي احلام صباي
بدسها جوه في خاطري
لامتين تهل بشريات
فجر الشباب
✨وجدان الزاكي✨
ساحة النقاش