💕 ودع روح 💕
من كلماتى / هيام عكود
لملم خطاك وروح
انا مانى باكية عليك
وامنع خطاك ترجع
والله بسمح ليك
ودع عيوني كمان
ما أظن بتبكى عليك
حتى القلب قنعان
ما اصلو عرف الفيك
لا شاف معاكا هنا
لا شلتو بين عينيك
لا يوم هديتو حنين
لا وردة من ايديك
دايما بتقسى عليهو
مع انو كان حابيك
ياما هداك الريد
واستنى اصلو مجيك
لكنو كان غلطان
ما حقو يحلم بيك
ودع خلاص وامشى
وما تحلم انو يجيك
ما انت بعتو خلاص
مع انو كان شاريك
💕 هيام عكود 💕
ساحة النقاش