كل القلوب تخالف وتاتلف
لكنو قلبك ..بختلف
علمني معني الريد حنان
بساني كل الفات وكان
خلاني ابدا من الالف
قلبا يعاين ليك بس
ينسى القبيل وينسى الامس
وقلبا بيسكن في حشاك
لمن يعمر بالالف
وقلبا يودعك بي الم
يمشي ويفوت
وقلبا بعد داير يموت
يرجع يعيش ينبض يرف
كم لاقيت قلوب في
دنيتي لكنو قلبك بختلف
قلبا ينادي حبيبو بي شوق بي
هيام
من غير خجل اوينكسف
وقلبا يدس الريده في جواهو
لمان ينخسف
وقلبا يحب في كل صباح
لي ضعفو اصلا مابتعرف
وقلبا يشك في كل زول
في كل همسه وكل حرف
وقلبا يطمن لو يبوح لو جفوهو قليل بينزف
وانا قلت ليك كل القلوب تخالف وتاتلف
لكنو قلبك بختلف .
علمتي معني الريد حنان
نساني كل الفات وكان
خلاني ابدا من الالف
غاده البشير (الشمال)
ساحة النقاش