احتويتك

كلمات: سند يوسف

 

احتويتك

يالمشاعري قصاد عيونك

تبقي مطلوقة وتشاغل

وكل عاقل فيني يفلت

وابقي انسان ماهو عاقل

مره في لحظة سجودي

جاني زي سحرك يغازل

وما وعيت وحياة جمالك

وﻻ عرفت معاك حاصل

صرت في محراب جمالك

صوفي متشدد وزاهد

وكل ما اشتم عبيرك

بزدهي والحب هو شاهد

انتي يالساكنة الدواخل

وجوه في اعماقي قاعده

حتي اخر الليل بشوفك

انتي في جواي ساجده

بانية بستانك في قلبي

وسامقة في وجداني عالية

زوله ممشوقة بجماله

وشجره ليا ثماره دانية

يالحبيبة الساكنه فينا

ونحن ليك دوام نغني

شلتي قلبي تلولي فيهو

وكل ما يفرح تهني

كنتي ليهو رفيقة دائمآ

وليهو زي طيان بتبني

يالمتوهطه في القلوب 

اشراق صباح ووهج غروب

انغام وتر احساس طروب

مليانه بالحب الاصيل

غيثآ من الفرح السكوب

واحتويتك.